Departamentu

ITRODUSAUN

Departamentu Siensia ekonomia no estudu dezenvovimento (SEED) nudar  displina ou siensia ida ne’ebe fazparte husi siensia ekonomia ne’ebe foka liu ba kauza ou problema dezenvolvimentu ekonomia iha nasaun terseiru mundu sira, Liu-liu dezenvolvimentu ne’ebe hala’o antes, lao dadauk, no oinsa la’o ba oin. Ho nune’e estudu ida ne’e espesifikamente estuda ekonomia nasaun terseiru mundu sira nian, ho objetivu hodi hasa’e prosperiedade no kresimentu ekonomia ba nasaun kiak sira. Estudu ida ne’e dezenvolve no eksplora siensia ekonomia klasiku hodi hatan ba dezenvolvimentu ekonomia, identifika ou deskobre fator impendimentu dezenvolvimentu ekonomia, no orienta problema ou fator impendimentu sira ne’e hodi hetan solusaun ba dezenvolvimentu ekonomia agregadu ba nasaun terseiru mundo sira. Dezenvolvimentu ekonomia mak aksaun real ou esforsu hirak ne’ebe liga ba atividades hodi dezenvolve ekonomia iha nasaun terseiru mundu sira nune’e bele hetan ou atinji prosperiedade no kresimentu ekonomia. Timor-Leste nudar nasaun foun ne’ebe mos kategoria ba nasaun terseiru, ne’e presiza los rekursu ida ne’e.

 

VIZAUN

Departamentu Siensia Ekonomia no Estudu Desenvolvimentu (SEED), Fakuldade Ekonomia no Negosiu, Institute Of Business (IOB) sei sai departamentu ne’ebé kualidade, excelente no preferensia iha Institute of business (IOB) no iha nivel nasional hodi oferese rekursu Umanus ne’ebé kualifikadu ba desenvolvimentu ekonomia Timor-Leste ho kritiku,  ho baze espiritu nasionalismu ne’ebé metin.

 

MISAUN

1. Estabele no hala’o edukasaun liu husi siensia ekonomia ne’ebé bele rejulta graduandu  kualifikadu liu husi prosesu estabelesimentu sistema aprendisazem komprensivu, Mutual, no tuir padraun Internasional.
2. Estabelese no implementa peskiza ou investigasaun ne’ebé diak no halo publikasaun rejultadu peskiza ou investigasaun nune’e desenvolve no promove kapasidade institusional no individu nian.
3. Estabelese no hala’o dedikasaun ba komunidade ho alvu mak implementa rejultadu sira liu husi peskiza ka investigasaun nian, nune’e desenvolve servisu parseria ho parseiru iha kontekstu sosiedade.

 

OBJETIVU

1. Rejulta graduandu ne’ebé professional, Kompetensia iha siensia ekonomia, Independente, no iha kbi’it hodi kompete iha nivel global.
2. Produz talenta ne’ebé inovativu iha aspeitu peskiza ka investigasaun no dedikasaun ba komunidade ne’ebé bazeia ba mudansa progresividade siensia no teknologia nune’e bele hasa’e departamentu nia naran morin iha sosiedade, Iha nivel nasional tantu  internasional.
3. Desenvolve vida moris komunidade akademiku no hasa’e vontade emprendadorismu ba komunidade akademiku tomak iha universidade ou kampus ho baze ne’ebé forte liu husi kultura no tradisaun sientifiku nian.
4. Desenvolve programa akademiku hodi hasa’e kompetensia no profesionalismu dosente sira no graduandu nune’e hasa’e ou hahoris prinsipiu ne’ebé independente iha kontekstu hala’o ka implementa papel  universidade nian. 

 

PROSPETIVA BA TRABALLA

Ba estudante sira ne’ebé remata sira nia estudu liu hosi Departamentu Siênsia Ekonomia no Estudu Desenvolvimentu bele kandidatu ba posisaun hanesan: Dosente, Diretór Banku Central, Ministerio Planeamentu, Ministerio da Finansas, Koordenador ba Planeamentu Nasional, Diretor ba Kompaña, Presidente municipiu Ministerio da Desenvolvimentu , No posisaun birokrasia selu-seluktan.

 

 

PANORAMA ESTORIA  DEPARTAMENTU

Siensia ekonomia no estudu desenvolvimentu (SEED) loke iha fakuldade ekonomia no negosiu iha dia 27 fulan dezembru  tinan 2012 ne’ebe mai husi inisiativa dosentes no dekanu fakuldade ekonomia no negosiu, Reitoradu inklui FUNDASAUN KLIBUR. Rajaun no fator ne’ebe motiva dosente sira  no dekanu fakuldade ekonomia no negosiu mak rekursu humanus, Institute of Business (IOB) nudar instituisaun ida ne’ebe foka  ekonomia no negosiu, Iha ejijensia husi estudantes finalista sekundariu ne’ebe sempre kada anu lectivu sempre buka departamentu ida ne’e iha IOB.

 

METAS

Iha Tinan 2022 Departamentu Siensia Ekonomia no Estudu Desenvolvimentu (SEED), Fakuldade Ekonomia no Negosiu Institute Of Business (IOB) sei sai departamentu ne’ebé kualidade, excelente no preferensia iha Institute of business (IOB) no  iha nivel nasional hodi oferese rekursu Umanus ne’ebé kualifikadu ba desenvolvimentu ekonomia Timor-Leste ho kritiku no  baze espiritu nasionalismu ne’ebé metin.

 

PROGRAMA  OU ATIVIDADES– SEED

1. Planu Aksaun Kurikuller
2. Atividade kurikuler
3. Atividade ekstra (Seminar no Komemora, Eventu nasional, Desportu no atividade Kultural, Kompetisaun hakerek, Sientifiku, Dsikursu, Pasar lokal, no seluk-seluktan).